Pas shkrimit të portalit tesheshi.com, se veriu i Mitrovicës dhe Kosovës është bërë strehë për kriminel serbë, të cilët po vjedhin makinat e bashkatdhetarëve, sot policia e Kosovës në afërsi të pikës kufitare në Jarinje të Leposaviq ka kapur dy makina të vjedhura një BMW X5 dhe një WW xhip.
Ndalimin e dy makinave të vjedhura nga ana e policisë së Kosovës, për portalin tesheshi.com e kanë konfirmuar edhe zyrtarë të policisë së Kosovës për rajoni veri.
“Policia e Kosovës, gjatë natës që lëmë pas, në afërsi të pikës kufitare në Jarinje të Leposaviqit ka kapur dy makina që dyshohen se janë të vjedhura një BMW X5 dhe një WW Xhip” ka thënë Zëvendës komandanti i policisë së Kosovës për rajonin veri Besim Hoti.
Hoti ka shtuar se “tani në këtë rast janë involvuar edhe njësit e hetuesisë së krimeve të policisë nga të dy pjesët e Mitrovicës dhe pas verifikimit se të kujt janë makinat, ato do iu kthehen pronarëve”
Nga ana tjetër, burime të portalit tesheshi.com, nga veriu i Kosovës, kanë njoftuar se “pas shkrimit në media për grupin i keqbërësve serbë nga qyteti i Krushevcit, i cili është duke i vjedhur makinat në Mitrovicë, hadutët të shqetësuar, kanë tentuar që sa më shpejt t’i nxjerrin makinat nga Kosova në Serbi”.
Burimi ka shtuar se “makinat e vjedhura kanë qenë të parkuara në një garazh në afërsi të Spitalit në veri të Mitrovicë, pra në rrugën ‘Vllada Çetkoviq’”.
/tesheshi.com/
