Situata politike në Shqipëri mund të acarohet akoma më tej, pasi burime ende të pakonfirmuara, flasin për një mandat që kanë hartuar nga një grup prokurorësh për të hetuar vetë ministrin e Rendit, Saimir Tahiri. Dhe ky hetim, do të nisë me një kontroll, por që nuk saktësohet nëse do të bëhet në shtëpinë apo zyrën e tij.
Ky zhvillim vjen një ditë pas vendimit të beftë të Gjykatës që, me kërkesë nga Prokuroria, mori vendim për të pezulluar nga detyra në funksion te hetimeve, kreun e Policisë së Shtetit, Haki Çako. E gjitha kjo, pas përfoljeve për një pajisje përgjigjimi të ardhur nga Italia, e që dyshohet të jetë vënë në punë këtu në Shqipëri, por krejt në mënyrë të jashtëligjshme.
Po ashtu, ministri Tahiri sulmoi ashpër gjykatësin Arian Aliaj pas vendimit për Çakon, duke kujtuar kriminelët që ai ka liruar. Ndërsa Unioni i Gykatësve, në një reagim të tij, e ka quajtur deklaratën e Tahirit si të papranueshme. /tesheshi.com/
