Pas një dekade, Kryeredaktori Muhamed Zeqiri largohet nga Alsat-M

Atëherë kur askush nuk e priti, por nuk duket të jetë një spekulim meqë vet kryeredaktori i Alsat-M, Muhamed Zeqiri para pak çastesh në një postim në Facebook ka bërë me dije se largohet nga ky televizion pa dhënë ndonjë arsye të fortë për largimin e tij.

Ai ka shkruar se çdo ndarje është e dhimbshme, e posaçërisht kur ndahesh nga diçka që e ke pasur në zemër, e ke rritur dhe ndërtuar. Mirëpo siç thotë ai për çdo fillim ka edhe mbarim. “Kështu e ka jeta”, – shkroi ai. Në vijim gjeni postimin e plotë në rrjetin social Facebook të Muhamed Zeqirit.

“10 vjet bëjnë një dekadë, isha këtu kur lindi dhe kontribuova sado pak që të rritet dhe të jetë ajo që është sot TV ALSAT-M.

Kuptohet nuk e bëra vetë, ishit JU kolegë dhe staf i TV ALSAT-M që më dhatë përkrahjen tuaj që t’ia dalim dhe ALSAT-M të jetë shembull për të gjithë këtu dhe më gjërë. Kisha nderin të punojë në një projekt kaq të madh, bashkë me JU njerëz të mrekullueshëm, që ishit dhe do të vazhdoni të jeni pjesë e TV ASLAT-M, duke filluar nga punonjësit e sigurimit, mirëmbajtësit e higjienës, stafit teknik, administratës, gazetarëve, redaktorëve: Isuf e Ivan, Admir e Vasko, Shkelzen e Srecko ,Arta e Goran, stafit menaxhues Lirimin , posaçërisht drejtoreshën Bisera dhe kuptohet, pronarin z.Ferik Velija.

Uroj të vazhdoni rrugës së suksesit, personalisht secilit nga ju, ju dëshiroj fillimisht shënde, suksese dhe pastaj gjithçka tjetër që do ti kishit dëshiruar vetes.

Unë vazhdoj të mbetem ai që jam, para se gjithash njeri e pastaj, ai të cilin e njihni, Muhamed Zeqiri gazetar !!!

P.S Njëri nga kolegët mu drejtua: “Ndjehem sikur të kem humbur vëllanë”. I thash: “ Unë sikur të kem humbur familjen”… JU DUA NJEREZ TE MIRE!!!”/tesheshi.com/