Pas raportimit të mediave se AKR-ja e Behgjet Pacollit dhe Alternativa e Mimoza Kusari-Lilës kanë bërë kërkesë në KQZ që subjektet e tyre të jenë në një grup të vetëm parlamentar, e jo me LDK-në e Isa Mustafës, ka reaguar kreu i grupit parlamentar të kësaj partie, Avdullah Hoti i cili e ka përgënjershtruar këtë lajm.
Përmes një postimi në Facebook, ai thotë se një gjë e tillë po bëhet me qëllim që PDK të largojë vëmendjen nga bllokada që ata po u shkaktojnë institucioneve të vendit.
“Koalicioni i LDK-së me AKR-në dhe Alternativën është i paluhatshëm. Lajmet e dhëna nëpër portale janë të pavërteta. Kjo është përpjekje e ulët e PDK-së me satelitët e saj për të larguar vëmendjen nga bllokada që PDK-ja po i bënë krijimit të institucioneve të vendit. Ftoj mediet të mos bien në grackën e dezinformatave të tilla”, ka shkruar Hoti. /tesheshi.com/
