Pas një eksperimenti të gjatë të disa vendeve të perëndimit, por edhe SHBA për të gjetur “liderin” në vendet e Lindjes së Mesme dhe shkarja në diktaturë në disa shtete, pas “Pranverës Arabe”, të gjithë po bien dakord se Turqia dhe lidershipi i Recep Tayyp Erdoganit është ai që duhet mbështetur, pasi përbën shtetin më stabël dhe të fuqishëm në rajon.
Pikërisht ky zgjim e kanë ekspozuar edhe më shumë Turqinë ndaj terrorizmit. Por Ankaraja jo vetëm që nuk e ka pasur problem, por ka marrë me përgjegjësi rolin e lidershipit.
Ditën e nesërme, ministri i jashtëm tuk, Çaushogu ka thirrur një mbledhje të jashtëzakonshme të këshilllit të NATO-s për të diskutuar mbi kërcënimin terrorist.
Sekretari i Përgjithshëm i NATO-s Jens Stoltenberg foli për BBC-në ku tha se kërkesa e Turqisë është e bazuar në nenin 4 të Traktatit të NATO-s, i cili i lejon anëtarët të kërkojnë takime të tilla në rastet kur integriteti i tyre territorial ose siguria është cenuar.
“Një takim i tillë i kërkuar nga Turqia mendoj se është i drejtë dhe në kohën e duhur për të trajtuar trazirat dhe paqëndrueshmërinë në Siri, Irak dhe në afërsi të kufijve të vendeve anëtare të NATO-s”, tha Stoltenberg.
Ai tha se kishte folur dy ditë më parë me kryeministrin turk, Davutoglu, ku i kishte shprehur ngushëllimet për viktimat e fundit dhe i kishte dhënë mbështetje Turqisë për të kryer sulme ndaj Shtetit Islamik.
Në anën tjetër, SHBA-ja i ka bërë thirrje Turqisë dhe PKK-së për të shmangur dhunën, por tha se Turqia ka të drejtën të mbrojë veten kundër sulmeve të rebelëve kurdë.
Pas ngjarjeve të fundit, avionë turq kanë kryer për herë të parë sulme ajrore ndaj bazave të Shtetit Islamik në Siri. Ndërkohë, policia turke ka bastisur mbi 100 banesa në Stamboll, duke arrestuar 251 persona të lidhur me grupin terrorist./tesheshi.com/
