Xhejms Rodriguez, megjithëse ka vetëm disa muaj që është huazuar për dy vite te Bayerni i Mynihut, është duke kërkuar rikthimin te Reali i Madridit, pas largimit të Karlo Ançelotit nga gjigandët bavarezë.
Rodriguez u lejua të largohej nga Bernabeu gjatë verës pasi nuk arriti të ishte një titullar i skuadrës së Zinedine Zidane dhe u ribashkua me Ançelotin, trajnerin që e mori në Madrid nga Monaco në vitin 2014.
Por ai po kalon një start të vështirë në Allianz Arena dhe është fërshëllyer në pushimin e pjesës së parë gjatë humbjes 3-0 ndaj PSG-së në Ligën e Kampioneve, që vulosi edhe fatin e Ançelotit.
Ai u la në stol në barazimin 2-2 të Bajernit ndaj Hertës së Berlinit dhe tani ekziston frika që Këpuca e Artë e Kupës së Botës 2014 nuk do të luajë shumë minuta pas largimit të Ançelotit.
Sipas faqes zyrtare “Diaro Gol”, Rodriguez gjithashtu nuk është duke u adoptuar mirë me jetën gjermane dhe nuk po e shijon klimën e ftohtë. Ai gjithashtu e ka të vështirë të komunikojë me shokët e ekipit për shkak të gjuhës.
Por 26-vjeçari nuk do të ishte i mirëpritur te Real Madrid dhe nëse do të prishte huazimin do të largohej përfundimisht nga Real Madrid në fund të sezonit.
Zidane nuk u bind asnjëherë nga Rodriguez dhe e lejoi të largohej për t’i mundësuar më shumë minuta Marko Asensios, i cili e ka shfrytëzuar më së miri mundësinë e dhënë nga trajneri. /tesheshi.com/
