Kenneth Frazier, CEO i gjigantit amerikan të farmaceutikës, Merck, njoftoi dorëheqjen nga funksioni si këshilltar ekonomik i Presidentit Donald Trump, duke protestuar në këtë mënyrë kundër deklaratave të tij, pas dhunës së shënuar në Charlottesville.
“Liderët amerikanë duhet të nderojnë vlerat tona themelore duke hedhur poshtë në mënyrë të qartë manifestimet e urretjes, të fanatizmit dhe çdo pretendim të supremacisë që mohon idealin e aspiruar amerikan, që të gjithë individët janë krijuar të barabartë”, njoftoi Frazier.
“Në rolin e CEO-s së “Merck” dhe të zërit të ndërgjegjes, konsideroj si përgjegjësinë time të pozicionohem kundër mungesës së tolerancës dhe ekstremizmit”, shtoi Frazier, 62 vjeç, drejtues i “Merck” që nga viti 2011.
Konfrontimet e dhunshme mes militantëve të ekstremit të djathtë dhe kundërshtarëve të këtij tubimi shënuan të shtunën një të vdekur në Charlottesville (Virxhinia).
Presidenti amerikan ngjalli një polemikë duke i rivënë pas akteve të dhunshme, të dy kampet kundër njëri-tjetrit. /tesheshi.com/
