Rumania është përfshirë nga një krizë politike, ndërsa parlamenti votoi dje në favor të ruajtjes së imunitetit të kryeministrit Viktor Ponta.
Prokurorët patën deklaruan të premten se kishin nisur një hetim për pastrim parash, evazion fiskal dhe falsifikim, por parlamenti e bllokoi hetimin me votimin e djeshëm.
Presidenti po ashtu i ka kërkuar kryeministrit të japë dorëheqjen, gjë që ky i fundit nuk e ka pranuar.
Rumania çmohet si një prej shteteve më të korruptuara të BE-së. Ndërkaq, presidenti dhe kryeministri u përkasin dy kampeve kundërshtare, duke e mbajtur vazhdimisht të ndezur tensionin mes tyre.
Ponta i ka mohuar veprat penale për të cilat është akuzuar, duke deklaruar, “Unë do t’i paraqes të tëra provat, sepse nuk kam pasur mundësi ta bëj këtë deri tani. Jam absolutisht i sigurt se jam i pafajshëm.”
Gjithnjë me fjalët e tij, “Rumania është në zonën më të ndjeshme të Europës. Ne shpresojmë që do ta mbyllim këtë krizë politike të vogël, por të fortë, dhe do t’i kthehemi punës, sepse Europa i kërkon Rumanisë të jetë e qëndrueshme dhe e parashikueshme në këtë rajon.”
Ponta, udhëheqësi i Partisë Socialdemokrate të shumicës, e quajti të motivuar politikisht kërkesën e presidentit për dorëheqjen e tij. /tesheshi.com/
