Ambasadori i BE-së në Shkup, Aivo Orav deklaroi se ky është momenti unikat që Qeveria bashkë me opozitën dhe shoqërinë civile të zbatojë reformat.
“Nëse nuk shfrytëzohet ky moment tani, me siguri nuk do të ketë shans tjetër të ri. E para është që marrëveshja të zbatohet 100 për qind, ndërsa më pas të gjitha reformat e rekomanduara”, deklaroi euroambasadori, duke komentuar negociatat që po zhvillohen midis grupeve punuese të katër partive politike kryesore për zgjidhjen e krizës politike.
Ai i bëri thirrje mediave dhe gazetarëve të raportojnë sa me më shumë tone kritike. Sipas tij liria e shprehjes fillon nga gazetarët dhe nëse ata kanë vetëcensurë atëherë nuk mund të ketë gazetari profesionale.
Ambasadori i BE-së deklaroi se prokurori special me një autonomi të plotë duhet të emërohet deri më 15 shtator. Ai tha se shpreson që partitë të gjejnë zgjidhje dhe nëse është e nevojshme ne mund të ndihmojmë sërish.
