Papa Francesku vizitoi në xhami ndërsa ndodhej në Azerbajxhanin me shumicë muslimane dhe u tha liderëve fetarë të të gjitha besimeve se Zoti nuk duhet përdorur kurrë për të justifikuar fundamentalizmin.
“Nga ky vend me rëndësi të lartë simbolike, një thirrje e ndjerë më del edhe njëherë: jo më dhunë në emër të Zotit! Le të adhurohet emri i tij më i shenjtë, të mos profanizohet apo të përdoret si mall shkëmbimi në format e urrejtjes dhe kundërshtisë njerëzore”, tha ai.
“Zoti nuk mund të përdoret për interesa personale dhe përfitime egoiste, nuk mund të justifikojë asnjë formë të fundamentalizmit, imperializmit apo kolonializmit”, theksoi Papa në një adresim ndaj muslimanëve, të krishterëve, hebrenjve dhe anëtarëve të besimeve të tjera në xhaminë që mban emrin e presidentit të ndjerë, Heydar Aliyev.
Papa respektoi të gjitha ritet muslimane ndërsa hynte në xhami, duke hequr këpucët dhe u përul përpara Kuranit. /tesheshi.com/
Pjesë të vizitës së papa Franceskut mund t’i shihni në linkun e mëposhtëm:
