Papa Francesku ka lehtësuar rregullin për ndalimin e abortit, duke lejuar priftërinjtë katolikë të falin gratë që kanë bërë abort dhe doktorët që kanë kryer procedurën.
Masa është sidoqoftë e përkohshme, në kuadër të Vitit Jubilar, një traditë kishtare që zhvillohet në datat 8 Dhjetor-26 Nëntor 2016.
Katolicizmi e sheh abortin si një mëkat të rëndë që përmban automatikisht përjashtim nga radhët e kishës.
Papa thotë se ka njohur shumë gra që besojnë se nuk kanë opcion tjetër por, “që mbajnë në zemër barrën e këtij vendimi të dhimbshëm”.
Lehtësimi i rregullit shihet si një lëvizje kthese në politikat e kishës katolike, e që reflekton pikëpamjet e njohura të papës për dhembshuri dhe mëshirë.
“Kam vendosur”, tha papa Francesku, “të lejoj të gjithë priftërinjtë katolikë që për Vitin Jubilar të falin mëkatin e abortit për ato e që ndërmarrin dhe që kërkojnë falje”.
Viti Jubilar konsiderohett si një nga ngjarjet më të rëndësishme të Kishës katolike, e normalisht ndodh një herë në 25 vjet, përvec kësaj here që u deklarua me nismën e papës. /tesheshi.com/
