Ushtria siriane mbajti një tubim masiv në mbështetje të agresionit rus në Ukrainë. Siç është paralajmëruar, veteranët dhe ushtarët aktivë të Assadit janë të interesuar në mundësinë për të ndihmuar Rusinë.
Putin tha se Rusia do të pranojë vullnetarë që duan të luftojnë kundër forcave ukrainase dhe t’i ndihmojnë ata të arrijnë në zonat e luftimit.
Duke iu drejtuar Këshillit të Sigurimit rus, presidenti rus tha se ai mbështet dorëzimin e armëve të sekuestruara nga Ukraina në rajonet pro-ruse, raporton Reuters.
“Nëse shihni se ka njerëz që duan të dalin vullnetarë, veçanërisht nëse nuk është për para, të shkojnë dhe të ndihmojnë njerëzit që jetojnë në Donbas, ata duhet të takohen dhe të ndihmohen për të arritur në zonën e operacioneve luftarake”, tha Putin në një takim me anëtarët e Këshillit të Sigurimit.
Një numër i madh vullnetarësh nga vende të ndryshme duan të vijnë dhe të marrin pjesë në mbrojtjen e LNR dhe DNR, tha ministri i Mbrojtjes i Rusisë, Sergei Shoigu.
“Numri më i madh i tyre është nga Lindja e Mesme – kemi mbi 16,000 aplikime. Dhe këtu, natyrisht, mendojmë se është e drejtë t’i përgjigjemi pozitivisht këtyre kërkesave, aq më tepër që këto aplikime nuk janë për para, por sipas dëshirës së vërtetë të këtyre njerëzve. Ne i njohim shumë prej tyre, ata ndihmuan në luftën kundër ISIL-it në kohën më të vështirë, në dhjetë vitet e fundit”, ka saktësuar Shoigu. /tesheshi.com/
