Skena tmerri kanë ndodhur para Arena OPAP në lagjen greke Nova Philadelphia kur më shumë se 100 huliganë nga Dinamo e Zagrebit sulmuan tifozët e AEK-ut, si dhe mbeti i vrarë një tifoz 22-vjeçar i AEK-ut, shkruan portali më i lexuar grek Protothema.
Grekët deklarojnë se janë plagosur edhe tetë persona, mes tyre një 17-vjeçar. Ata shkruajnë gjithashtu se tre grekë dhe pesë kroatë janë shtruar në spital.
Ata deklarojnë gjithashtu se 17-vjeçari grek ka lëndime të rënda në tru pasi u godit me gur në kokë. Sipas informacioneve të tyre për ngjarjet e tmerrshme janë arrestuar 96 persona, ndërsa të arrestuarit janë dërguar në të ashtuquajturën GADA, pra drejtoria kryesore e policisë, ku po merren në pyetje.
Protothema më tej thekson se “huliganët e Dinamo Zagrebit mbërritën si një falangë nga Zagrebi në Athinë pavarësisht ndalimit të lëvizjes së tifozëve të lëshuar nga UEFA.
#DinamoZagreb fans nazi salutes and slogans. #Greece police and authorities allowed entrance into the country.
Clashes were foreseen, these #hooligans committed murder of 22 yr old Greek football team #AEK fan.pic.twitter.com/XT09L7UP8q— Christina Themelis (@tinathemelis) August 8, 2023
Grekët, vijon raporti, mbetën të habitur që një grup kaq i madh tifozësh kroatë kaluan të gjitha rrugët nacionale dhe arritën në Athinë, pa u ndalur askund.
Sipas tyre, në vendngjarje kanë mbërritur forca të shumta speciale të cilat kanë shuar ngjarjet me gaz lotsjellës dhe granata tymuese. Aktualisht, shkruajnë grekët, po punohet për identifikimin e vrasësit të tifozit 22-vjeçar të AEK-ut.
Nga ana tjetër, njoftohet se UEFA ka anuluar ndeshjen AEK – Dinamo Zagreb për Champions League.
Njoftohet gjithashtu dhe për një shqiptar të arrestuar, protagonist në përplasjen mes tifozerive ballkanase. /tesheshi.com/
