Shaka Hislop, një reporter i ESPN dhe ish-portier i Premier League, i tronditi të pranishmit duke i rënë të fikët në mes të miqësores së së dielës mes AC Milan dhe Real Madrid në Pasadena, Kaliforni.
54-vjeçari filloi të kalamendej në fushë përpara se të rrëzohej mbi shokun e tij të skuadrës Dan Thomas dhe të shkaktonte panik.
Prayers up for Shaka Hislop💙 pic.twitter.com/4h7i5SBYB1
— CarefreeLewisG🇪🇹📸 #SURVIVEDPOCH (@CarefreeLewisG) July 24, 2023
Temperatura e ajrit në momentin e raportimit ishte rreth 25°C, por nuk u përcaktua nëse nxehtësia lidhej me humbjen e vetëdijes së Hislop.
Menjëherë pas incidentit, ESPN ndërpreu transmetimin dhe më vonë informoi shikuesit se reporteri ishte i ndërgjegjshëm dhe i qëndrueshëm.
“Është i vetëdijshëm, po flet, më duket se është pak i turpëruar për gjithçka dhe u ka dërguar të gjithëve një falje. Është shumë herët për të bërë ndonjë diagnozë, por e rëndësishme është që ai është i vetëdijshëm. Ne kemi folur me gruan e tij dhe gjithçka duket se është mirë”, tha Thomas.
Mesazhet e shqetësuara nga fansat dhe miqtë kanë nisur menjëherë të vërshojnë në rrjetet sociale. “Është e tmerrshme të shohësh një gjë të tillë. I uroj të madhit të gjitha forcat dhe shërim sa më të shpejtë”, ka shkruar njëri prej tifozëve, ndërsa një tjetër ka shtuar se i vjen mirë që ish-portieri është në vetëdije dhe që mjekët janë duke u kujdesur për të. /tesheshi.com/
