Bundestagu gjerman votoi me 439 vota pro e 119 kundër, duke miratuar marrëveshjen e re me Greqinë.
Merkel ka arritur të bindë edhe këtë radhë Parlamentin, edhe pse janë shtuar zërat edhe vetë brenda koalicionit qeverisës kundër ndihmave të tjera për Greqinë.
Programi i ri pritet të diskutohet mes ministrave të Financave të eurozonës, ndërsa në Greqi më në fund të hënën happen bankat.
Partia e Merkel ka qenë e ndarë në qëndrimet për paketën e Greqisë dhe 48 deputetë të CDU kanë lënë të kuptohej më herët se do të sfidonin kancelaren. Ndjenjat antigreke në Gjermani janë duke u rritur me shpejtësi dhe këtë e konfirmojnë të gjitha sondazhet e kohëve të fundit, ndërsa autoritetet druhen se qëndrimet e ashpra ndaj Greqisë, kanë dëmtuar edhe reputacionin e vendit. /tesheshi/
