Leonardo Bonucci mund të buzëqeshë më në fund, pas këtij sezoni të nisur në mënyrë “çoroditëse” me Milanin, e pas “përjashtimit të hidhur” të Italisë nga Botërori i Rusisë.
Ish-mbrojtësi i Juventusit është zgjedhur qendërmbrojtësi më i mirë i vitit, me anketime që i referohen kryesisht sezonit të shkuar. Bonucci e ka publikuar në profilet sociale këtë lajm, i cili e vendos në qendër të formacionit të vitit.
“Mbrojtësi i qendrës më i mirë i vitit, një tjetër mirënjohje pas cmimit FIFA Football Awards, faleminderit futbollistëve që kanë votuar”- shkruan qendërmbrojtësi i Milanit. Bonucci ka publikuar edhe foton e çmimit, ku ai është vendosur në mes të mbrojtësve Dani Alvesh që tani luan me PSG dhe Kulibaly që luan me Napolin.
30-vjeçari i Milanit e ka nisur jo me këmbën e mbarë këtë seozn dhe mungesa e ambientimit me fanellën kuq e zi, e ka shndërruar në një lojtar ku drejtohen shpesh kritikat e opinionit sportiv, për golat e shumtë që Milan ka pësuar. Megjithatë, Bonucci ka treguar se është njeri me karakter dhe të gjithë presin që nën regjimin e trajnerit të ri Gattuso, mbrojtësi të rifitojë besimin tek vetja, të rifitojë rifozët që e kritikojnë, e të rikthehet ai i ditëve më të mira, qendërmbrojtësi që vlerësohet nga e gjithë bota. /tesheshi.com/
