Kreu i AKR-së, Behgjet Pacolli, gjatë tubimit të mbajtur në Rahovec ka premtuar se “koalicioni i shpresës siguron mirëqenie për qytetarët dhe nuk është improvizues si i partive tjera.
Ai ka treguar se programi i tyre parasheh rritje ekonomike prej 8 % qysh në dy vitet e para të qeverisjes, përmirësim të infrastrukturës rrugore, shëndetësore dhe arsimore, si dhe ka premtuar hapje të fabrikave.
Numri një i AKR-së ka premtuar poashtu se me ta në qeverisje, Kosova do të përfshihet në tregun global të kompanive, ndërsa ka treguar edhe për planet e krijimit të tri platformave agro-ekonomike.
“Krijimi i tri zonave të lira ekonomike do ta bashkojë tregun me Shqipërinë dhe kështu kultivuesit e rrushit do të kenë ku ta shesin atë, vetëm një pjesë e vogël konsumohet për nevojat tona, ndërsa pjesa tjetër duhet të eksportohet, prandaj do të bëjmë që ai mall të lëviz lirshëm në të gjitha trojet shqiptare”, ka thënë Pacolli. /tesheshi.com/
