Behgjet Pacolli abulon prapaskenat e takimit që kanë pasur në Tiranë pas dekorimit me Presidentin Nisshani, kryeparlamentarin Meta, zv.kryeministrin Peleshi,kreun e PD-së, Basha dhe ish-Kryeministrin Berisha, zv. Në një njoftim për shtyp të shpërndarë pas dekorimit me medaljen “Nderi I Kombit”, theksohet: “Gjatë qëndrimit në Tiranë me rastin e dekorimit të tij me Urdhërin e lartë “Nderi i Kombit”, zotëri Behgjet Pacolli së bashku me dy kryetarët e komunave të Gjakovës dhe Mitrovicës, Mimoza Kusari Lila dhe Agim Bahtiri, së bashku me familjarë të tij ishin të ftuar në drekën e shtruar nga Presidenti Bujar Nishani. Në drekë merrnin pjesë autoritete të larta shtetërore si kryetari i Kuvendit Ilir Meta, zëvendëskryeministri Niko Peleshi, këshilltarë të Presidentit Nishani, etj.
Gjatë drekës u diskutua për tema të ndryshme në bashkëpunimin Shqipëri-Kosovë, për historinë e afërt, etj. Presidenti i Shqipërisë, zotëri Bujar Nishani ngriti shëndet për zotëri Pacollin, familjarët e tij dhe shprehu kënaqësinë për ceremoninë e merituar të dekorimit të zotëri Pacollit. Zotëri Ilir Meta pati gjithashtu fjalë vlerësimi dhe miradije për veprën e madhe të zotëri Pacollit si ndërmarrës, por dhe si lobues në favor të pranimit dhe njohjes së pavarësisë së Kosovës. Sipas zotëri Metës, i cili ka qenë ministër i jashtëm i Shqipërisë për një periudhë të caktuar, “kudo në botë në takimet e niveleve të larta ku ka qenë pjesëmarrës, ka qenë dëshmitar i gjurmës së fortë që kishte lënë vepra lobuese e Behgjetit. Kudo ata përmendnin punën tuaj”, tha zotëri Meta. Ai tha se e kishte lexuar me vëmendje librin autobiografik të tij“Nga sfida në sfidë”dhe jua këshillonte të gjithëve për t’u lexuar nga fëmijët, për t’i frymëzuar ata me shembullin e shkëlqyer të Behgjetit”. Zotëri Meta shprehu keqardhjen dhe dëshirën që zotëri Pacolli të zhvillojë në Shqipëri inisiativën e tij ndërmarrëse pa pengesat e të shkuarës.
Zotëri Pacolli vlerësoi të pranishmit për nderimin që ju bë gjatë gjithë ditës, me pjesëmarrjen në ceremoni, me drekën e shtruar për nder të tij, dhe tha “se do të përpiqej deri në fund të jetës t’ja shpërblente kombit të tij, nderimin që ju bë”.(tesheshi.com)
