Shumë fytyra trajnerësh ndërrohen çdo Botëror, përveç njërit: Oscar Tabarez, atij që tashmë nuk është thjesht një trajner, por një legjendë e pankinave në çdo event të tillë. Shumëkush e ka fiksuar ndryshe nga sa është tani, ç’prej Botërorëve të kaluar. Sepse ai më shumë se trajner i Uruguajit, është mbret i tij.
Me një dyshe brilante si Suarez – Cavani, ekipi i tij ka bërë sërish përpara këtë Botëror, duke dhuruar dhe lojra e gola fantastikë, ndërsa ai ofron nga pankina pamjen unike të një njeriu që nuk i dorëzohet sëmundjen në dashurinë e tij të madhe ndaj futbollit uruguajan, për ta çuar sa më lart.
Tabarez është diagnostikuar me sindromin Guillain-Barré, një sëmundje autoimune që është shumë e rrezikshme dhe zakonisht shkakton paralizë që fillon në këmbë dhe përhapet në gjymtyrët e sipërme dhe fytyrë, duke rezultuar në fund me një humbje të plotë të çdo refleksi në të gjithë trupin.
Sidoqoftë, ai nuk është tërhoqur nga drejtimi i ekipit, ku shihet se si mbi një shkop u jep udhëzime lojtarëve në fushë.
Tabarez është ulur në stolin e Uruguait për herë të parë në vitin 1988. Ndodhi kjo pasi në drejtimin e Pejnarol-it, skuadrës me të famshme uruguajane, fitoi titull Copu Libertadores, Champions League e Amerikës Latine. Dhe kjo bëri që t’i besohej më pas ekipi kombëtar.
Ç’prej atëhere, me një ndërprerje të shkurtër pas vitit 2000, ai e drejton Uruguajin, duke e çuar të paktën deri te çerekfinalet e çdo Botërori. Suksesin më të madh e shëënoi para katër vitesh në Brazil, ku me lider në fushë Diego Forlan, Uruguaji u rendit në vendin e katërt.
Tashmë në Rusi, ekipi i tij pret të përballet me Francën. Do jetë padyshim një duel yjesh në fushë.
Por sido që të dalë rezultati, Oscar Tabarez do të mbetet përgjithmonë një hero i të gjithë uruguajanve. Paterica e tij e afirmon këtë! /tesheshi.com/
