Suedia morri kryesimin e OSBE-së për një vit, duke ia marrë këtë stafetë Shqipërisë. Tirana zyrtare, e kishte për herë të parë këtë ekperiencë të rrallë diplomatike, për të drejtuar një ndër organiztatat më të njohura në botë por me prestigj të lëkundur, siç e theksoi dhe vetë kryesuesi i deridjeshëm, kryeministri Edi Rama.
Në adresë të këtij të fundit, Ann Linde, kryediplomatja e Stokholmit, shkroi:
“Faleminderit Edi Rama dhe misionit shqiptar në Vjenë për një kryesim me të vërtetë frymëzues të OSBE-së.
Pavarësisht rrethanave sfiduese, ju arritët të gjenit modalitetet e takimit, të merrnit vendime të rëndësishme dhe të tregonit një lidership të ri ekzekutiv”.
Por cilat ishin konsideratat e Ramës për një vit drejtim të OSBE-së:
Shqipëria mori kryesinë e OSBE në janar të gjithë folën për një organizatë në vështirësi. Duke u ulur këtu, tani unë vetëm të konfirmoj se atë që paradhësit e mi kanë ndjerë. Ne jemi në krizë, në një krizë në përkeqësim. Ta shohim në sy: kjo gjendje është krijuar nga 57 vendet anëtare të OSBE.
Supozohet që të kishim një vizion të përbashkët për një Europë demokratike të paqtë e të përbashkuar. Ky vizion po largohet prej nesh sepse parimet tona nuk respektohen, se angazhimet tona nuk respektohen, sepse divergjencat tona po rriten; sepse përballja zgjidhet mbi bashkëbisedimit sepse përçarja zgjidhet përmbi bashkëpunimin.
Kjo situatë duhet të na shqetësojë të gjithëve. Duhet të mbajmë parasysh edhe botën përtej OSBE, një botë që jemi të shqetësuar për të ruajtur interesat sona. Duhet të jemi të bashkuar.
Jam i shqetësuar nga kriza e bashkëpunimit. Kemi dështuar të trajtojmë dobësitë dhe të përmirësojmë veten tonë apo të trajtojmë krizat.
O e keni përzemër këtë oprganzatë ose jo. Ose doni të zgjidhni konflikte ose jo. Ose doni media të lirë ose jo. Organizata jonë është kaq e fortë sa vullneti për t’i zbatuar këto angazhime. Nëse mungon vullneti siç sot, është e vështirë të dalim nga krizat”, ishin fjalët e Ramës në konferencën përmbyllëse të misionit shqiptar njëvjeçar. /tesheshi.com/
