Në një ankand në shtetin amerikan të Maryland, një orë që i përkiste ish-liderit nazist Adolf Hitler u shit për 1.1 milionë dollarë.
Alexander Historical Auctions of Chesapeake City, Maryland, e vlerësoi orën midis dy dhe katër milionë dollarë, duke shpjeguar se është një “relike e Luftës së Dytë Botërore me përmasa historike”.
Udhëheqësit hebrenj e kundërshtuan shitjen, duke thënë se ora kishte pak ose aspak vlerë historike, raportoi AP.
Blerësi, një hebre nga Evropa
Presidenti i shtëpisë së ankandeve, Bill Panagopoulos, tha se blerësi ishte një hebre nga Evropa.
Ora përmban inicialet “A” dhe “H” dhe një simbol.
Ora u mor si një plaçkë lufte nga një ushtar francez më 4 maj 1945 kur njësia e tij hyri në vilën e Hitlerit në Alpet bavareze në Gjermani.
Hitleri kreu vetëvrasje në Berlin më 30 prill 1945. /tesheshi.com/
