Opozita “vjedh” Ramën: Shpall zgjedhjet lokale si referendum!

Për opozitën në Shqipëri, zgjedhjet lokale të 21 qershorit, do jenë një referendum, ku vota e shqiptarëve do  duhet të jetë më shumë politike, sipas saj, kundër kësaj qeverie. Por duhet kujtuar se një skemë të tillë, e ka aplikuar Rama në ‘Lokalet’ e 2011, kur tha se për opozitën (e atëhershme), vota e shqiptarëve do duhet të jetë më tepër politike. Dhe tashmë është opozita që po e huazon këtë skemë. Ajo mëton të ndikojë në psikologjinë e votuesit që, mos e shoh votën si një përzgjedhje mes këtij apo atij kandidati për qeveritar lokal, por vetëm si një votë politike, që merr vlerën e votës parlamentare. Vërtet që ajo nuk ta jep pushtetin ekzekutiv dhe legjislativ nëse fitom, por të karrikon moralisht për ta parë veten si fitues dhe kundërshtarin si humbës, më pas në zgjedhjet e përgjithshme. Kjo skemë funksionoi mjaft mirë me PS-në në opozitë, gjë po përpiqet ta provojë dhe opozita e tanishmë. /tesheshi.com/