Nga Memedali Jusufi
Në kohën kur në Maqedoni çështja shqiptare ka ngecur, kur shihet se krerët e partisë në pushtet janë të koruptuar sa zbën , zëri opozitar shqiptar nuk ndëgjohet sa duhet; ose ndëgjohet vetëm në rrjetEt sociale ku të gjithë i dënojnë politikat diskriminuese ndaj shqiptarëve, mirëpo askush nga këto parti ose faktorë politikë nuk duan ta ulin veten në nivel të barabartë si partnerë për të rrëzuar qeverisjen aktuale.
Afrim Gashi sekretar i përgjithshëm i partisë BESA për tesheshi.com thotë se unifikimi i partive opozitare shqiptare jashtparlamentare do të ndodh së shpejti:
“Nëse duhet të ketë një unifikim, ndërsa unë mendoj se duhet të bëhet një unifikim i tillë, gjykoj se duhet të bëhet pikërisht për arsyet që e sollën Marrëveshjen e Përzhinos. Unifikimi duhet të bëhet ashtu që të pensionohet kjo kastë politike e korruptuar, e zhvatur dhe e diskredituar deri në fund. Ne po jetojmë në gjendje emergjente, që kërkon unifikimin e opozitës për të shpëtuar çka mund të shpëtohet, sepse – duke qenë të udhëhequr nga klane politike antishtetërore, por edhe antishqiptare – është bërë detyrimi më i lartë që sot ata të përjashtohen nga skena. Në këtë drejtim jemi duke punuar edhe ne dhe shpresoj se së shpejti do t’i shohim edhe frytet e kësaj pune”.
Artan Dika, ish-nënkryetar i RDK-së dhe aktuAlisht anëtar i kryesisë së kësaj partie, tha se arsyeja për mosunitetin e opozitës shqiptare është se partia jashtëparlamentare BESA nuk ka pranuar që në zgjedhjet e ardhshme parlamentare të shkohet me listë të unifikuar .
Për unifikimin e opozitës shqiptare ka folur dhe gazetari Mustafa Peza i cili tha se unifikimi mund të ndodh nëse partitë gjejnë një platformë të përbashkët politike
“Po, nëse i tejkalojnë zënkat e vogla të ndërsjella, nëse me të vërtetë dëshirojnë të luftojnë për përmirësimin e pozitës së shqtarëve; nëse merren vesh se për këtë çcështje ka nevojë për platformë të përbashkët e cila do të jetë e kapshme për çdo shqiptar në Maqedoni. Vetëm kjo do ta unifikojë opozitën jashtëparlamentare shqiptare dhe mund ta bëjë faktor të rëndësishme në skenën politike në Maqedoni”.
Ndërkohë, edhe analisti Selim Ibrahimi tha se opozita shqiptare është në një krizë të përfaqësimit dhe në mungesë të lidershipit për t`i çuar proceset politike
“Deri më tani nuk ka treguar indikacione të një aleance të fortë dhe të vërtetë për t`i dalë në front BDI-së dhe t`i thotë ndal se ne kemi platformë më të mirë dhe strukturë organizative që do ta sfidonte BDI-në por qoftë edhe PDSH-në në zgjedhjet e prillit. Përveç disa takimeve formale, opozita shqiptare në Maqedoni lë shumë vakum dhe taktizime për BDI –në para dhe pas zgjedhjeve. Kështu si veprojnë në skenën publike, i ekspozohen rrënimit dhe zvenitjes”, thotë Ibrahimi .
Për përfaqsim të dobët opozitar ka folur edhe ish-drejtuesi i RDK-së dhe ish-prefekti i Gostivarit i cili në rrjetet sociale ka komentuar mos unitetin në mes shqiptarëve në këtë kohë delikate.
“Doktor Artani nga RDK-ja dhe doktor Arbeni nga LR-PDSH-ja, janë tandemi të cilëve ju mungon edhe një doktor i nivelit të njëjtë nga lëvizja Besa. Uroj tandemin Dika-Taravari që ta gjejnë edhe doktorin e tretë që nuk është e thënë të jetë domosdoshmerisht mjek me profesion dhe të realizojnë këtë ideal që e përkrahin të gjithë njerezit e vullnetit te mirë. Do keni perkrahjen time të plotë, prof.R.Osmani”
/tesheshi.com/
