Sot, liderët e tri partive opozitare Visar Ymeri, Ramush Haradinaj dhe Famir Limaj kanë nënshkruar një deklaratë të përbashkët, me anë të së cilës do të kundërshtojnë në çdo mënyrë riprocedimin në Kuvend të amendamenteve Kushtetuese për Gjykatën Speciale.
“Çdo tentativë për ta përmbysur këtë vendim të deputetëve të Kuvendit të Republikës të shprehur lirshëm me votë të lirë, gjoja në emër të procedurave, është tendencë për ta përmbysur rendin institucional dhe demokratik në vend”, kanë deklaruar liderët e tri partive opozitare në vend.
Deklarata e plotë e tri subjekteve opozitare, LVV, AAK dhe NISMA:
Vendimi i Kuvendit të Republikës së Kosovës për refuzimin e ndryshimeve kushtetuese për themelimin e Gjykatës Speciale, i datës, 26 qershor 2015 është përfundimtar dhe i pakthyeshëm. Qeveria e Republikës së Kosovës duhet t’i nënshtrohet këtij vendimi.
Çdo tentativë për ta përmbysur këtë vendim të deputetëve të Kuvendit të Republikës të shprehur lirshëm me votë të lirë, gjoja në emër të procedurave, është tendencë për ta përmbysur rendin institucional dhe demokratik në vend.
Gjithashtu, i thërrasim të gjithë akterët të përfshirë në këtë proces, qofshin “për” apo “kundër”, ta respektojnë vendimin e Kuvendit të Republikës së Kosovës.
Visar Ymeri – Lëvizja VETËVENDOSJE!
Ramush Haradinaj – AAK
Fatmir Limaj – NISMA
/tesheshi,com/
