Nga Blendi Gashi
Ministrja e Drejtësisë, Dhurata Hoxha për herë të parë ka raportuar në mbledhjen e komisionit kuvendar për legjislacion lidhur me zbatimin e rekomandimeve të këtij komisioni të adresuara gjatë vitit 2015.
Ministrja Hoxha është “mirëpritur” me një mal pyetjesh nga anëtarët e komisionit, lidhur me sistemin e drejtësisë në vend.
Ministrja Hoxha me të marrë fjalën ka thënë se është e fokusuar në forcimin e luftës kundër korrupsionit në parimin se askush nuk është mbi ligjin.
Ajo ka folur për pakon e reformimit të ligjeve që ka thënë se do të jetë një proces gjithëpërfshirës që do të ketë parasysh të gjithë akterët, duke thënë se ky proces nuk do të jetë i shkurtër por një proces që do të zgjasë dy vite.
Por, opozita kosovare ia than ë sy ministres Hoxha se sistemi i drejtësisë në vend është i kapur nga politika dhe për këtë një faj të madh e ka ministria që drejton ajo por edhe ish-ministri Hajredin Kuçi.
Albulena Haxhiu, kryetare e komisionit për legjislacion, njëherit deputete e VV-së ka thënë se edhe përkundër deklarimeve publike të cilat janë bërë klishe, sipas saj dita ditës drejtësia në vend po përkeqësohet dhe po shndërrohet si një lavatriçe për të gjithë ata që kanë krijuar pasuri në kurriz të qytetarëve të varfër.
“Rasti i fundit flagrant është shpallja i pafajshëm të një drejtuesi kriminal Nuhi Uka. Duke pasur parasysh këtë kapje të sistemit të drejtësisë përgjegjësinë kryesore e ka Ministria e Drejtësisë-ja dhe ish ministri Hajredin Kuçi”, tha deputetja Haxhiu.
Deputetja e VV-së kërkoi të dijë rolin e përzgjedhjes së gjyqtarëve në veri, pasi sipas saj ka zëra se aty ka të infiltruar njerëz që në të kaluarën kanë kryer gjenocid.
Në lidhje me këtë pyetje ministrja Hoxha tha se në këtë çështje Ministria ka rol të kufizuar dhe e vetme që kanë mundur të bëjnë është organizimi i provimit të jurisprudencës.
Pyetja tjera që deputetja e VV-së ia shtroi ministres Hoxha ishin edhe; si mendon ta forcon sistemin e drejtësisë kur nga buxheti i shtetit nuk ndahen as 2 %?; a ka një plan propozim për ta ç’kapur sistemin e drejtësisë nga njerëzit e politikës?; a ka hequr dorë MD nga ligji anti-mafia?, si mendon ta luftojë korrupsionin politik dhe krimin e organizuar?, a kanë paraparë ndonjë iniciativë për mosparashkrimin e veprave korruptive?, e pyetje të tjera.
“Drejtësia në Kosovë në gjendje kome”
Se sistemi i drejtësisë është në gjendje të mjerueshme, ministres ia tha edhe deputeti i AAK-së, Pal Lekaj.
Ai tha se drejtësia në Kosovë është në gjendje kome dhe kërkoi të dijë nga ministrja Hoxha se a janë ende 200 mijë lëndë të pazgjedhura si dhe nëse prokurorët dhe gjyqtarët janë të politizuar.
Sa i përket numrit të madh të lëndëve, ministrja Hoxha tha se këtë problem janë duke u munduar ta përmirësojnë me anë të ligjit për ndërmjetësim.
Edhe Lekaj, ashtu si Haxhiu, shtroi disa pyetje për ministren Hoxha, ku më të rëndësishmet ishin; a janë gjyqtarët dhe prokurorët të politizuar?, çka po bëhet me gjyqtarët dhe prokurorët në pjesën veriore (a po e pret MD dhe qeveria Aleksandër Vuçiqin të emëroi gjyqtarët në atë pjesë)?
Ministrja Hoxha nga opozita u pyet edhe për rastin e policit Nehat Thaçi i arrestuar nga Serbia, me ç’rast tha se lidhur me këtë rast i kanë dërguar një notë verbale Ministrisë së Drejtësisë së Serbisë dhe më nuk kanë ndonjë informatë në lidhje me këtë rast. /tesheshi.com/
