Pak më shumë se dy muaj pas tërmetit tragjik të 26 nëntorit, qeveria e ka nxjerrë e bërë publike faturën e dëmeve.
Ishte ministri Blendi Çuçi ai që bëri me dije se fatura shkon në 985 milionë euro.
“Nga tërmeti tragjik i 26 nëntorit u prekën 202291 persona nga 11 bashki të vendit. Një kontribut i madh erdhi nga miqtë ndërkombëtarë. Vetëm një javë pas tërmetit qeveria kërkoi mbështetjen e BE-së, OKB-së dhe BB për një proces për të identifikuar dëmet dhe nevojat.
“60 ekspertë të huaj dhe vendas dhe zyrtarë shqiptarë e përfunduan raportin në 30 janar. Është punuar me ritëm të lartë. 50 mijë ndërtesa u verifikuan dhe u verifikuan 100% ndërtesat me rrezikshmëri të lartë. Dëmet janë 98574906, por dokumenti nuk është shterues. Me këtë dokument do të shkojmë në Konferencën e Donatorëve”, tha Çuçi.
Deri më sot, që pak ditë pas tërmetit, opozita e kishte “faturën” ndër akuzat kryesore ndaj qeverisë. Kjo e fundit mbrohej duke thënë se fatura do kohën e vet që të dalë dhe parashikoi fundin e janarit. Tashmë ajo është publike dhe, siç shihet, i është afruar 1 miliard eurove. Ishte kjo një shifër e paralajmëruar ditë më parë nga vetë Rama, gjatë një vizite në Romë. /tesheshi.com/
