Mbështetësit e opozitës së Kosovës janë mbledhur në sheshin para Kuvendit ku do të mbahet protesta kundër zgjedhjes së Thaçit President. Në shesh kanë mbërritur krerët e Vetëvendsjes, Ymeri e Kurti.
Ndërkaq, policia ka rrethuar selinë me masa shumë të forta sigurie.
Afër ndërtesës së Kuvendit dhe Qeverisë ka forca të shumta policore ndërsa në rrugët anësore që të qojnë drejt sheshit kryesor të Prishtinës është stacionuar edhe një autoambulancë.
Kamion me topa uji, qenë, autoblinda dhe shumë automjete të Policisë së Kosovës janë bërë gati për situatën e sotme.
Në oborret e institucioneve janë bërë gati 31 automjete nga më të ndryshmet të Policisë.
Ndërsa brenda Kuvendit sipas KosovaPress-it janë futur pesë pjesëtarë të njësisë G6, apo edhe ndryshe siç njihet njësia për qenë.
/tesheshi.com/
