Partitë opzoitare në një konferencë të mbajtur në hollin e Kuvendit, pas vendimit të Kryesisë për t’i përjashtuar nga seanca e sotme kanë thënë atyre nuk iu mbetet rrugë tjetër vetëm të organizojnë protesta gjithëpopullore në mbarë vendin.
Aida Dërguti, deputet e VV-së tha se opozitës i mbetet veç jë rrugë sepse ajo është protesta, sepse demokracia u minua në Parlamentin e Kosovës.
“Në një vend ku opozita përjashtohet nga Parlamenti ai nuk quhet Parlament”, tha ajo, duke shtuar se ne do të vazhdojmë kundërshtimin përmes protestave.
Bali Muharremaj nga AAK tha se rruga e përbashkët është protesta në të gjitha qytetet e Kosovës dhe nuk do të ndalen derisa nuk tërhiqen këto marrëveshje.
Enver Hoti nga NISMA për Kosovën tha se mbetjet jugosllave nga Isa Mustafa dhe një grup banditësh nga Hashim Thaçi kanë mbetur dhe e çojnë vendin vetëm errësirën.
“Ne do të vazhdojmë reagimin tonë dhe nuk do të lejojmë regjimin e errësirës dhe vendosjen e një shteti policor në vendin tone”, tha ai.
(tesheshi.com)
