Simpatizantët e Partisë së Unionit Demokratik (PYD) dhe krahut të armatosur të PKK-së, sulmuan dy xhami në Gjermani të dielën, duke shkaktuar zemërim në mesin e komunitetit turko-musliman të vendit.
Në qytetin e vogël veriperëndimor Minden, sulmuesit hodhën gurë dhe shishe të mbushura me bojë në Xhaminë e Gjelbër, që drejtohet nga DITIB, një organizatë e moderuar muslimane e themeluar nga emigrantët turq.
Sabahattin Çigdem, kreu i shoqatës së xhamisë, e dënoi sulmin dhe tha se dyshonin se simpatizuesit e PKK qëndronin pas tij.
Emri i degës siriane të organizatës terroriste të PKK-së, “PYD” dhe slogane si “Afrin” dhe “Hakmarrje” janë shkruar në muret e xhamisë.
Policia njoftoi se ka hapur një hetim mbi incidentin.
Në qytetin lindor të Leipzig, simpatizantët e organizatës terroriste PYD/PKK sulmuan Xhaminë Ejup Sulltan, thyen dritaret dhe ngjyrosën me spaej emrat e PKK dhe YPG, krahu i armatosur i PYD.
Gazeta lokale Leipziger Volkszeitun raportoi se një grup shumë i majtë kishte marrë përgjegjësinë për sulmin.
Mbështetësit e PYD/PKK organizuan demonstrata në qytete të ndryshme gjermane gjatë fundjavës, për të protestuar ndaj operacionit të vazhdueshëm ushtarak të Turqisë kundër objektivave të grupit terrorist në Sirinë veriperëndimore.
Turqia të shtunën filloi operacionin “Dega e Ullirit” për të hequr terroristët nga PYD/PKK dhe DAESH (ISIS) nga Afrin.
PKK është ndaluar në Gjermani që nga viti 1993, por është ende aktive me rreth 14,000 pasues në mesin e popullsisë imigrante kurde të vendit.
Gjermania ka një komunitet turk prej 3 milionëshësh, shumica prej të cilëve janë shtetas gjermanë të gjeneratës së dytë dhe të tretë me prejardhje turke, gjyshërit e të cilëve u shpërngulën në vend gjatë viteve 1960. /tesheshi.com/
