Kombet e Bashkuara thonë se kërkohet shumë më tepër për të parandaluar vdekjen e emigrantëve në Europë pasi me qindra prej tyre kanë humbur jetën vetëm gjatë ditëve të fundit.
Sekretari i Përgjithshëm i OKB-së, Ban Ki-moon apeloi për një përgjigje kolektive politike si mënyrë për të parandaluar atë që e quajti krizë solidariteti.
Ai bëri thirrje për shtetet europiane të përfshira në krizë, të hapin kanale të sigurta dhe ligjore për emigrantët.
Të enjten, 71 persona që mendohet se ishin sirianë, u gjetën të vdekur në një kamion në Austri ndërsa rreth 200 të tjerë mendohen se kanë humbur jetën pasi dy anije u përmbysën në ujërat e Libisë.
Ban tha se ishte I tmerruar dhe zemërthyer nga këto raste vdekjesh. “Një pjesë e madhe e njerëzve që ndërmarrin këto udhëtime të rrezikshme largohen nga dhuna në Siri, Irak e Afganistan”, tha ai. Komuniteti ndërkombëtar, sipas shefit të OKB-së, duket të tregojë vendosmëri më të madh për zgjidhjen e konflikteve dhe problemeve të tjera që nuk u lënë rrugë tjetër njerëzve për të jetuar por i detyron të ikin. /tesheshi.com/
