Palestinezët kanë shumë pak shanse për të marrë një leje ndërtimi në Bregun Perëndimor, ndërsa izraelitët vijojnë të lëshojnë urdhëra të rinj shembjeje për ndërtesat e palestinezëve, madje më shpejt sesa mund t’i shkatërrojnë ato. Kështu thuhet në një raport të ri të misionit lokal të OKB-sëm sipas të cilit të dhënat zyrtare nga autoritetet izraelite tregojnë se mbi 11 mijë urdhëra shembjeje janë lëshuar në Bregun Perëndimor. Me anë të këtyre urdhërave mundësohet shembja e rreth 13 mijë ndërtesave, përfshi edhe shtëpi ku jetojnë palestinezët.
Raporti i titulluar “Nën kërcënim” u publikua nga zyra e OKB-së për koordinimin humanitar në territoret e pushtuara palestineze.
Ndërkaq, Izraeli ka shkatërruar rreth 2800 ndërtesa që kur nisën urdhërat e këtij lloji në vitin 1988, edhe pse pjesa më e madhe e këtyre urdhërave nuk janë zbatuar ndonjëherë, por që mbeten si shpata e Demokleut mbi banorët palestinezë.
Ndërtesat pa leje gjithnjë shoqërohen me urdhëra shembjeje, por vetëm shumë pak prej tyre ekzekutohen. Në fakt, urdhërat nuk e humbasin fuqinë dhe i vendosin banorët në një gjendje pasigurie kronike dhe nën kërcënim.
Një numër shumë i vogël i aplikimeve të palestinezëve për leje ndërtimi miratohen. Nga 2020 të tilla përgjatë viteve 2010-2014 janë miratuar vetëm 33 që do të thotë 1.5 për qind. /tesheshi.com/
