Sekretari i Përgjithshëm i OKB-së, Ban Ki-moon do të organizojë një takim të nivelit ministror me negociatorët e paqes mes palestinezëve dhe izraelitëve. Takimi pritet të ndodhë më 30 Shtator në anekset e samitit të nivelit të lartë të përvitshëm të OKB-së që mbledh liderët botërorë i cili nis dy ditë më herët në Nju Jork.
Grupi negociator përbëhet nga Shtetet e Bashkuara, OKB, Bashkimi Europian dhe Rusia, i njohur ndryshe si Kuarteti. Shefi i OKB-së ka ftuar gjithashtu edhe ministrat e Jashtëm të Egjiptit, Jordanisë, Arabisë Saudite dhe kreun e Ligës Arabe.
Procesi i paqes në Lindjen e Mesme vijon të jetë i bllokuar e bisedimet direkte mes palëve kanë mbetur vendnumëro për shkak të politikës së njëanshme të Izraelit që vijon të ndërtojë vendstrehime të reja në territoret e pushtuara palestineze.
Duket se OKB ka marrë në dorë nismat për paqe në këtë proces që deri më tani, ka njohur dorën amerikane si ndërmjetësues. Përpjekjet e Uashingtonit për të bërë progres në bisedimet mes palëve kanë qenë të pasuksesshme.
/tesheshi.com/
