Portali lokal Ohridsky ka publikuar detaje të tjera lidhur me rastin “Monstra”.
Sipas këtij portali, në këtë rast është përfshirë një funksionar i lartë i partisë maqedonase në pushtet VMRO-DPMNE, i cili ka dhënë urdhër për likuidimin e të rinjve maqedonas. Rasti
“Monstra” ka të bëjë me rastin e vrasjes së pesëfishtë pranë Liqenit të Smilkovcit në periferi të Shkupit që kishte ndodhur në prillin e vitit 2012, ku për këtë krim u dënuan me burgim të përjetshëm gjashtë shqiptarë nga Shkupi, për të cilin dënim janë shfaqur dyshim për proces të montuar që nxiti protesta masive.
Ohridsky ka shkruar se ka siguruar të vërtetën për gjithë këtë rast, shumë më herët se LSDM-ja, më konkretisht para dhe pas rastit tragjik, i cili e mbuloi Maqedoninë në zi.
“Nuk bëhet aspak fjalë për grup terrorist, por ajo që ne arritëm ta mësojmë menjëherë pas rastit, në rastin ‘Monstra’ ekziston porositës për likuidim të të rinjve, përderisa roja i vrarë në Liqenin e Smillkovës është vetëm dëm kolateral i momentit kur djemtë janë sjellë në atë lokacion dhe ka qënë dëshmitar, prandaj është dashur që edhe ai të likuidohet. Por do të presim edhe në për shpalljen tonë për rastin Liqeni i Smilkovcit. Shpalljen do ta bëjmë në periudhë të shpejtë nëse LSDM-ja dhe Zaevi nuk e publikon të gjithë rastin tragjik, ku është i përfshirë funksioner i lartë i VMRO-DPMNE-së nga eshaloni i parë, i cili është edhe porositës i vrasjes për të fshehur kapriço të caktuara të disa anëtarëve të familjes së tij”, ka shkruar portali Ohridsky. (INA)
