Lamtumirë Shengen! Nëse traktati historik që rrëzoi kufijtë e Europës mbetet pezull, në Luksemburg fati i tij duket se tashmë është vendosur. Vendimi është marrë për ndërtesën historike që i ka dhënë emrin paktit mes shteteve europiane.
Pak e dinë, në fakt, që Shengeni është edhe një kështjellë, një nga ndërtesat më të vjetra të Europës, me gati një hektar kopshte dhe dhoma pa fund. Në vitin 1985 vendi mblodhi Europën për nënshkrimin e paktit të Shengenit. Tani ndërtesa tërheqëse ndërron pronar dhe i jep fund të shkuarës së saj legjendare.
Për një shumë prej 11 milionë euro, në fakt një shifër jo veçanërisht mbresëlënëse, kështjella do të jetë pronë e Regus, një kompani shumëkombëshe gjermane që ofron mjedise pune dhe qendra biznesi. Kështu, kështjella do të shndërrohet në një qendër banale organizatash ndërkombëtare dhe do t’i thojë lamtumirë politikës dhe diplomacisë ndërkombëtare.
Marrëveshja sidoqoftë, nuk është ende përfundimtare. Për ta bërë të tillë, nevojitet një leje e veccantë që duhet të mbërrijë nga Roma, më saktë, nga qyteti i Vatikanit. Në të vërtetë, pronësia e godinës mbërrin deri këtu. Që prej vitit 1932, kështjella është pronë e një kongregacioni katolik, Congregatio Sororum a Sancta Elisabeth (Csse), një institut fetar femëror me varësi papnore, themeluar nga katër gra në Alta Slesia në vitin 1842 e që mes pronave të veta llogarit ndërtesa të shumta.
Por nga gjithë këto prona, shumë pak mund të krahasohen me një histori të tillë të pasur si ajo e Shengenit. E kaluara e kështjellës shkon pas në kohë që nga viti 1390. Në shekujt e mëparshëm ishte një kryqëzim rrugësh për fisnikët dhe mendjet e shkëlqyera europiane. Mes këtyre figurave edhe Viktor Hygo që në vitin 1971 i dizenjoi një nga kullat. Përgatiti: Juli Prifti – /tesheshi.com/
