Organizata Botërore e Shëndetit (OBSH) ka paralajmëruar se, megjithë shpresat e mëdha për të gjetur një vaksinë, kurrë nuk mund të ketë një “zgjidhje mrekullie” për COVID-19 dhe se një kthim në normalitet do të jetë i gjatë.
Më shumë se 18.1 milion njerëz në të gjithë botën janë infektuar me virusin e ri të koronës dhe afro 700,000 kanë vdekur.
Drejtori i Përgjithshëm i OBSH-së Tedros Adhanom Ghebreyesus dhe drejtuesi i departamentit të urgjencës Mike Ryan, insistojnë që shtetet zbatojnë rreptësisht masa epidemiologjike siç janë veshja e maskave, distanca sociale, larja e duarve dhe testimi, raporton Reuters.
“Mesazhi për njerëzit dhe qeveritë është e qartë: bëni të gjitha!”, tha Tedros në një konferencë shtypi virtual në selinë e KB në Gjenevë.
Përgatitja për një betejë të madhe
Maska për fytyrën, tha ai, duhet të bëhet një simbol i solidaritetit në të gjithë botën.
“Më shumë vaksina janë në fazën e tretë të provave klinike dhe të gjithë shpresojmë se do të kemi lloje më të efektshme të vaksinave që do të ndihmonin në parandalimin e infeksionit. Sidoqoftë, tani për tani nuk ka zgjidhje mrekullie dhe nuk mund të jetë kurrë,” tha Tedros.
Ai pranoi se ekziston frika se nuk do të kemi një vaksinë që është e efektshme ose që mbrojtja ndaj sëmundjes do të jetë vetëm jetëshkurtër dhe asgjë më shumë, por që ne nuk do ta dimë këtë derisa të përfundojnë provat klinike.
Mike Ryan theksoi se vendet me shkallë të lartë të transmetimit të sëmundjeve, përfshirë Brazilin dhe Indinë, duhet të përgatiten për një betejë të madhe dhe se rruga është e gjatë dhe kërkon një angazhim të palëkundur. /tesheshi.com/
