Kreu i Organizatës Botërore të Shëndetësisë (OBSH) vlerësoi të premten shpejtësinë e paparë me të cilën u zhvillua gara për vaksinën kundër virusit të ri Corona, por në të njëjtën kohë ai kërkoi që çdo “arritje shkencore” të ishte në të mirë të të gjitha vendeve.
“Nuk ka dyshim se vaksina do të jetë një mjet i rëndësishëm për kontrollin pandemik dhe rezultatet e para të provave klinike (Pfizer dhe BioNTech) të botuara këtë javë na japin shpresë,” tha Tedros Adhanom Ghebreyesus në fund të sesionit vjetor të OBSH.
Më pak se një vit që kur zyra e OBSH-së në Kinë raportoi shpërthimin në fund të dhjetorit 2019, laboratori amerikan Pfizer dhe BioNTech i Gjermanisë njoftuan të hënën se kishin prodhuar vaksinën “në mënyrë efektive në 90 përqind të rasteve” kundër COVID-19.
“Asnjëherë në histori kërkimi i vaksinave nuk ka përparuar kaq shpejt,” vuri në dukje Drejtori i Përgjithshëm i OBSH-së.
“Ne duhet të përdorim të njëjtën shpejtësi dhe inovacion në mënyrë që të gjitha vendet të mund të përfitojnë nga kjo arritje shkencore,” shtoi ai.
Tedros tha të premten se pandemia kishte treguar se një “sistem global për shkëmbimin e patogjenëve dhe mostrave klinike” duhet të vendoset sa më shpejt të jetë e mundur për të lehtësuar prodhimin e shpejtë të barnave, vaksinave dhe terapive të tjera që do të bëhen një “e mirë publike globale”.
Udhëheqësi i OBSH theksoi se një “sistem i tillë nuk mund të bazohet në marrëveshje bilaterale dhe nuk mund të negociohet për vite me radhë”.
“Ne po propozojmë një qasje të re që do të përfshijë një depo të” agjentëve patogjenë që OBSH “do t’i mbajë në një objekt të mbrojtur në Zvicër”, vuri në dukje ai.
Ai shtoi se shkëmbimi i patogjenëve dhe mostrave të tjerë klinikë – në të cilët OBSH mund të ndihmojë – do të organizohej ende mbi një bazë “vullnetare” dhe sipas kritereve që ende nuk janë përcaktuar. /tesheshi.com/
