Presidenti amerikan, Barack Obama thotë se fushata ajrore ruse në Siri në mbështetje të presidentit Bashar Al Assad po detyron opozitën e moderuar të tërhiqet dhe vetëm sa po forcon ISIS.
Obama tha se ai nuk pranon pohimin rus se të gjithë kundërshtarët “brutalë” të al Assad janë terroristë.
Moska këmbëngul se sulmet ajrore që ka ndërmarrë në Siri janë kundër ISIS.
Por opozita siriane dhe grupe të tjera thonë se kryengritësit që nuk janë pjesë e ISIS janë objektiv i sulmeve ruse. Rusia nga ana e saj njoftoi se avionët kanë goditur një qendër komandimi të ISIS, depo armësh dhe mjete ushtarake. Objektivat përfshinon bastione të militantëve në Raqqa, por edhe në Aleppo, Hama dhe Idlib, province këto me prani të paktë të militantëve të ISIS.
“Problemi këtu është Assad dhe britaliteti me të cilin ai godet popullin sirian, dhe kjo duhet të ndalojë”, tha Obama në një konferencë shtypi në Shtëpinë e Bardhë. Sipas tij, amerikanët nuk do të bashkëpunojnë me rusët në një fushatë që shkatërron të gjithë ata që ndjehen të zemëruar e që u ka sosur durimi me Assadin.
“Nga perspektiva ruse, ata janë të gjithë terroristë, kjo është recetë për katastrofë”, tha Obama. /tesheshi.com/
