Presidenti i SHBA-së Barack Obama, ka mbështetur fuqishëm Turqinë në fushatën e fundit antiterror, ku përveç ISIS-it Ankaraja po godet edhe grupet e armatosura të PKK-së.
Presidenti Obama, tha se organizata terroriste PKK po ndërmerr sulme që kanë si objektiv Turqinë, ndërsa është legjitime që Turqia të mbrojë veten. Obama është takuar me gazetarë në Shtëpinë e Bardhë për çështjen e politikës së Iranit dhe Lindjes së Mesme.
Në lajmin e gazetës “Huffington Post” Obamës i është drejtuar pyetja “a keni shqetësime se në fushatën e ndërmarrë ndaj ISIS-it Presidenti turk Recep Tayyip Erdoğan po e përdor si shkak për të patur si objektiv PKK-në, e cila është aleate me ato që luftojnë në Siri? Ndërsa Obama në përgjigjen e tij ka thënë: “Organizata terroriste PKK po ndërmerr sulme që kanë si objektiv Turqinë, kjo është një gjë legjitime që Turqit të mbrojnë veten e tyre”.
Krahas kësaj Obama, i cili ka theksuar se ISIS-i është kërcënimi më i madh në rajon dhe se në lidhje me këtë ata kanë rënë dakord me Turqinë që përqendrimi më i fortë duhet të jetë rreth kësaj çështjeje, u shpreh se “Në marrëveshjen mbi të cilën jemi duke punuar janë përljekjet se si ti mbyllim ato kufij për luftëtarët e huaj të cilët mundohen të kalojnë në Siri. Gjithçka po bëjmë, është e bazuar në këtë çështje”, u shpreh ai.
/tesheshi.com/
