Presidenti aktual i Shteteve të Bashkuara të Amerikës ka replikuar në distatancë me kandidatin Republikan Donald Trump, sa i takon deklaratës së këtij të fundit në lidhje me imigracionin. Obama e ka konsideruar këtë fenomen si një traditë të vjetër amerikane.
“Pjesa më e madhe e vendeve në mbarë globin i pranojnë imigrantët, por ka diçka të veçantë në SHBA, ne nuk presim thjesht imigrantë, ne jemi lindur nga vetë imigrantët, kjo është ajo që ne përfaqësojmë”, tha Obama gjatë një ceremonie në Arkivat Kombëtare në Uashington.
“Ne duhet të angazhohemi për të dënuar në mënyrë të vazhdueshme ndjenjën e urrejtjes dhe intolerancës në të gjitha format e saj”, vijoi ai.
Tabloidi Philadelphia Daily News e ka cilësuar Trump si të ngjashëm me Hitlerin, duke publikuar në faqe të parë një fotot të madhe të kandidatit duke ngritur dorën lartë, një pamje kjo që ngjan me shenjat e nazistëve. New York Times e definon si ‘një person pa shpresë në politikë, veçanërisht në atë të jashtme” dhe New Yorker shkruan nj editorial të tërë nën artikullin me temë “Donald Trump është Le Pen i ardhshëm”./tesheshi.com/
