Presidentët e SHBA dhe të Turqisë, Barack Obama dhe Recep Tayyip Erdogan kanë biseduar sot në lidhje me konfliktin në Siri dhe përpjekjet e dy shteteve për luftën kundër Shtetit Islamik. Lajmi është bërë i ditur nga Shtëpia e Bardhë.
Obama ka theksuar rëndësinë e një bashkëpunimi ndërkombëtar me qëllim për arritjen e një marrëveshjeje për ndërprerjen e armiqësive në Siri, si dhe rëndësinë e ndërmarrjes së hapave të duhur në drejtim të tranzicionit politik të vendit.
Dy liderët gjatë një bisede telefonike, janë pajtuar për të vazhduar luftën kundër Shtetit Islamik deri në mposhtjen definitive, si dhe në paaftësimin e kapaciteteve të grupit për të kryer sulme në Turqi, Evropë dhe më gjerë, thuhet në njoftimin e Shtëpisë së Bardhë. /tesheshi.com/
