Barack Obama, në fundin e qëndrimit të tij në Shtëpinë e Bardhë, ka folur në një tubim në Karolinën e Veriut, duke paralajmëruar se fati i SHBA-së dhe i botës është në rrezik.
Ai u ka bërë thirrje të gjithë demokratëve, me çdo të shkuar etnike, të dalin e të votojnë për Hillary Clinton-in në zgjedhjet presidenciale në vend më 8 nëntor.
Në fjalën e tij ai e ka përshkruar kandidatin republikan, Donald Trump, si një kërcënim për të drejtat civile.
“Fati i republikës është në supet tuaja,” raporton BBC-ja t’u ketë thënë Obama pjesëmarrësve në tubim.
“Fati i botës po lëkundet, dhe ju, Karolina e Veriut, duhet të garantoni që ne ta shtyjmë atë në drejtimin e duhur.”
Ditë më parë dukej që fati i zgjedhjeve të qe i shkruar, me Hillay Clinton-in që kryesonte ndjeshëm, por rifutja në lojë e FBI-së me çështjen e postës elektronike të kandidates demokrate e ka bërë garën të paparashikueshme. Madje një pjesë anketimesh e kanë nxjerrë Trump-in në kryesim.
Presidenti Obama do ta kritikonte më herët në mënyrë të nënkuptuar drejtuesin e FBI-së, James Comey, për njoftimin në prag të zgjedhjeve mbi hapjen e një hetimi të ri mbi përdorimin e postës elektronike nga Clinton-i. /tesheshi.com/
