Nuk ka persona që nuk duan të kenë një higjienë orale normale, brenda parametrave të duhur dhe njëkohësisht të kenë dhëmbë të pastër, të bardhë e mishra të paacaruar. Por ka disa persona, të cilët e kanë të vështirë për arsye të ndryshme përdorimin e furçës së dhëmbëve. Më poshtë po ju japim disa këshilla për të mbajtur higjienën e gojës, edhe kur keni vështirësi në përdorimin e furçës.
-Shumë njerëz përdorin gargara antiseptike çdo ditë për të parandaluar sëmundjet. Për individët që nuk janë të aftë të përdorin furçën e dhëmbëve gargarat antiseptike luajnë një rol të rëndësishëm në pastrimin e dhëmbëve.
-Gjuha mund të pastrohet pasi të lani dhëmbët. Ky veprim mund të kryhet me anë të furçës së dhëmbëve ose me anë të disa furçave të veçanta për gjuhën.
-Në qoftë se jeni duhanpirës duhet të keni si qellim lënien e duhanit. Pirja e duhanit është faktor risku për sëmundjet e mishrave të dhëmbëve.
-Ushqehuni me një dietë të shëndetshme. Evitoni ushqimet dhe lëngjet që kanë përmbajtje të madhe sheqeri. Sheqernat janë ushqim për bakteret, i cili më vonë kthehet në acid nga këto të fundit duke shkaktuar karies.
-Në qoftë se do t’i jepni ilaçe fëmijëve, sipas mundësive përdorni ilaçe që nuk përmbajnë sheqer.
-Përdorimi i çamçakëzëve pa sheqer pas ushqimit rrit rrjedhjen e pështymës, e cila luan një rol të rëndësishëm në pastrimin e gojës.
-Fëmijëve duhet t’i mësohet higjiena e mirë e gojës sa me herët që të jetë e mundur.
-Bëni kontroll dentar sipas intervaleve të rekomanduara nga dentisti juaj (të paktën një herë në vit)./tesheshi.com/
