Brandon punon si inxhinier për Google dhe ka zgjedhur të jetojë sa më afër të jetë e mundur me kompaninë e tij. Ai ka blerë një kamion dhe që prej vitit 2006, 23 vjeçari jeton në parkimin e një lagje në Silicon Valley të San Franciskos. Vetë ai tregon historinë në një blog. Zgjedhja e të riut ka vetëm një qëllim: të kursejë kohë dhe para. Në këtë mënyrë edhe eviton stresin e udhëtimit me makinë nëpër rrugët e mbushura dhe trafikun e rënduar në çdo orë të ditës.
I mbërritur nga Massachussets në maj të vitit 2006, Brandon nisi të kërkojë për një apartament me qira, por vuri re se i duhej të paguante të paktën 2 mijë dollarë çdo muaj. Veç qirasë së shtëpisë, ai do të humbte kohë gjatë gjithë ditës në trafik për të shkuar në punë.
Duke parë këto kushte, Brandon vendosi të blinte një kamion të markës Ford kundrejt shifrës prej 10 mijë dollarësh dhe e mobiloi atë duke vendosur disa orendi shtëpiake, për të lehtësuar jetesën. Ai bleu një shtrat, një raft për veshjet dhe disa orendi të tjera për të mbushur ambientin.
Dushin, palestrën dhe ushqimin e konsumon në ambientet e Google, ndaj ‘duke parë se nuk jam kurrë në shtëpi dhe përherë në punë, përse më duhej një apartament?”,- shkruan Bradon. Shpenzimi i vetëm i tij është pagimi i figuracioneve, rreth 121 dollarë, ndaj djali shton pyetjen: “Jam duke kursyer në masën 90% dhe po i heq paratë mënjanë. Pse nuk duhet ta bëj këtë jetë?”/tesheshi.com/
