Zhvendosja në Jerusalem e ambasadës së SHBA-së në Izrael ka qenë një prej premtimeve të Donald Trump-it përgjatë fushatës që i parapriu zgjedhjes së tij si president.
Një premtim që ka trazuar shumë ujëra e që ka sjellë shumë reagime, por megjithatë nuk ka deri tani një lëvizje konkrete për këtë çështje.
Sipas zëdhënësit të Shtëpisë së Bardhë, bisedimet për zhvendosjen e ambasadës amerikane nga Tel-Avivi në Jerusalem janë ende në fazën e parë fare.
Nuk ka vendim për zhvendosjen e ambasadës së Uashingtonit, u tha gazetarëve Sean Spicer.
Administrata e shkuar amerikane e Barack Obama-s pati paralajmëruar se një lëvizje e tillë nuk do të ishte konstruktive sa kishte të bënte me përpjekjet për paqe mes izraelitëve dhe palestinezëve. /tesheshi.com/
