Edhe pse cilësori “i shenjtë” ka fituar legjitimitet si status fetar i muajit të Ramazanit, kjo nuk është aspak e vërtetë.
Ramazani si muaj, nuk është aspak i tillë.
Por ai, për shkak të rëndësisë që ka në Islam, pasi konsiderohet si muaji ku ka zbritur Kur`ani, libri i shenjtë, në mënyrë korrekte quhet si i “madhnueshëm”, duke u shoqëruar dhe me cilësorë të tjerë si “i madh”, “i begatë” etj., por assesi i “shenjtë” derisa janë katër muaj të tjerë ata që në Islam e gëzojnë këtë status.
Megjithatë, sot është tejet i vështirë çmontimi i togfjalëshit “muaji i shenjtë” që i atribuohet Ramazanit, pasi e përdorin rregullisht, si ata jashtë Islamit e si vetë një pjesë e muslimanëve.
Sociologjikisht kjo shpjegohet me faktin se kur diçka ka vlerë të madhe, ajo bart dhe riskun që të shenjtërohet, edhe kur shkencërisht, ose teologjikisht në këtë rast, ekzistojnë prova që nuk është kështu.
Pra, Ramazani ka një vlerë sipërore si muaj, sidomos për njerëzit e lidhur ngushtësisht me besimin, posaçërisht muslimanët, por që nuk renditet tek të shenjtët në kalendarin e tyre, që po ashtu është me 12 muaj, e që ndryshon në referencën e viteve. /tesheshi.com/
