Kampi rinor në ishullin Utoja në Norvegji, skenë e masakrës së 22 Korrikut 2011 nga një ekstremist i krahut të djathtë, është rihapur. Në kamp kanë nisur prej sot seminaret për të rinjtë e partisë Laburiste, katër vjet nga masakra ku Ander Behring Breivik vrau me gjakftohtësi 69 persona.
Media norvegjeze bën të ditur se janë një mijë të rinj që do të marrin pjesë në seminarin për politikën në qendrën e partisë Laburiste në ishullin Utoja.
Ishulli, rreth 40 kilometra nga kryeqyteti Oslo u bë skenë e masakrës më të rëndë në historinë norvegjeze.
Breivik u arrestua menjëherë pas vrasjeve. Në proces dolën në pah, prirjet e tij ekstremiste, e një manifest prej 1500 faqesh ku ai përshkruante pikëpamjet e tij kundër multikulturalizmit në Europë. /tesheshi.com/
