Futbollisti norvegjez Omar Elabdellaoui është shtruar në spital me dëmtime të syve dhe djegie të fytyrës pasi fishekzjarrët shpërthyen në dorën e tij në prag të Vitit të Ri në shtëpinë e tij në Stamboll, tha të premten klubi turk Galatasaray.
Elabdellaoui, një lojtar i kombëtares norvegjeze dhe ish-lojtar i Manchester City, ishte me vetëdije dhe dëmtimet nuk ishin kërcënuese për jetën. Shtohet se dëmtimi i syve do të zbulohet pas ekzaminimit të mëtejshëm.
Në Turqi, një shtetrrethim katër-ditor i lidhur me koronavirusin filloi në orën 9 të mëngjesit me orën lokale të enjten, që do të thotë që tubimet e mëdha për të festuar Vitin e Ri nuk ishin të mundshme dhe njerëzit duhej të argëtoheshin në shtëpi, ku disa po vendosnin fishekzjarre.
Ajo që shqetësoi publikun turk dhe veçanërisht klubin Galatasaray, është fotoja e fytyrës së djegur të lojtarit të kombëtares norvegjeze.
Fotografia nuk është bërë në spital, por në një ambulancë, ndaj dhe mbërriti akuza e zv.presidentit të Galatasaray.
“Ata bënë gjithçka për të shpëtuar shikimin e Omarit, por është mëkat dhe turp që një ndihmësmjek e fotografoi atë të plagosur. Ai ka tre fëmijë, si është për ta të shohin fotografitë e babait të tyre në rrjetet sociale një moment i tillë?!”, pyeti Abdurrahim Albayrak, raporton Reuters. /tesheshi.com/
