Mediat serbe çdo ditë publikojnë “plane” të shqiptarëve për të dëmtuar kombëtaren serbe në ndeshjen e 8 tetorit në Elbasan. Por këtë herë ata janë të frikësuar nga qeleshet që janë shpërndarë në stadium.
Nënkryetari i Federatës Serbe të Futbollit, Goran Milanoviç, ka deklaruar për gazetën serbe “Alo”, se “ekstremistët shqiptarëkanë një plan për të sulmuar autobuzin e kombëtares sonë gatë rrugës për në Elbasan”.
Milanoviç, tha se kërkonte ndihmë nga organet e policisë serbe pasi sipas tij nuk mjaftojnë 350 policët që qeveria shqiptare ka aktivizuar për ndeshjen.
“Kur na provokuan në mes të kryeqytetit tonë është e pritshme që edhe në Elbasan ta bëjnë këtë. Është rrugë e gjatë deri në Elbasan, 60 kilomentra, kalojmë në fshatra dhe sipas sinjalizimeve mund të ketë probleme. Federata Shqiptare e Futbollit ka bërë thirrje që të gjithë tifozat të vishen me qeleshe (plisa) që është një simbol i nacionalizmit”, tha Milanoviç, i cili deklaroi se në Zagreb nuk ka hasur problem, e se kombëtarja e tyre madje është ndjerë si në Beograd ku kanë dalë në qytet.
Megjithatë ata i frikësohen gjendjes në Shqipëri.
Mediat serbe çdo ditë flasin për frikë dhe probleme, ndërkohë që këto përcillen edhe nga drejtues të rëndësishëm të federatës.
Gazeta ‘Alo’ duke përmendur rastin e studentëve serbë që do të shikojnë ndeshjen në
Elbasan, theksojnë se nuk do të mbajnë simbolet karakteristike serbe.
Përgatiti: Ylli Pata – /tesheshi.com/
