Prej mesnatës së sotme, qytetarët nga të dyja anët e kufirit mes Serbisë dhe Kosovës mund të lvëizin lirisht, duke lehtësuar qarkullimin sidomos për banorët e Luginës së Preshevës. Autoritetet bënë të ditur se nga mesnata hyn në fuqi Memorandumi i Mirëkuptimit për njohjen e policave kufitare ndërmjet Kosovës dhe Serbisë.
Rrahim Pacolli që kryeson delegacionin e Kosovës në bisedimet me Beogradin, sa i përket sigurimeve, postoi në Facebook njoftimin për hyrjen në fuqi të marrëveshjes.
“Qytetarët e Kosovës do të mund të lëvizin lirshëm në territorin e Serbisë pasi që të pajisen nga kompanitë e sigurimeve me policën TPL +. Poashtu, qytetarët e Serbisë mund të hyjnë në territorin e Kosovës me policën e sigurimit kufitar të cilën posedojnë. Kjo u lehtëson bashkëkombasve tanë të Luginës së Preshevës ardhjen në Kosovë”, shkruan Pacolli. /tesheshi.com/
