Familja e vetme gjashtë brezëshe në Britani organizoi një bashkim të veçantë, ku anëtari i tyre më i ri u takua me stër-stërgjyshen e tij 103-vjeçare për herë të parë, duke kompletuar kështu zinxhirin mahnitës prej 44 anëtarëve të familjes.
Stërgjyshja e re, Sue Godward, 62 vjeçare, tha se kjo është një ditë e mrekullueshme.
Ajo shton: “Hilda – gjyshja ime – vuan nga sëmundja e Alzheimer, kështu që ne e dimë se asaj nuk do t’i kujtohet vizita e vogëlushes Finley, edhe pse ajo po kalonte një kohë të mrekullueshme në këtë moment dhe ishte një moment aq i veçantë për pjesën tjetër të familjes sonë.
Sue thotë se: “Familja vazhdon të rritet e të bëhet përherë e më madhe. Gjyshja ime, Hilda, është padyshim e vetmja në atë brez pas babagjyshit tim, Albert Hanson, i cili ka vdekur pesë vjet më parë. Pastaj prindërit e mi – Frank dhe Jean – janë të vetmit në brezin e dytë”.
“Pas kësaj, në brezin tim, në brezin e tretë, janë tre prej nesh – unë, vëllai im Derek, dhe motra ime Brenda, ndërsa në brezin e katërt janë 11. Në brezin e pestë ka 27, dhe tani ka ardhur Finley i cili është i vetmi në brezin e gjashtë.”
Sue shtoi: “Ne jemi mjaft të shpërndarë në të gjithë vendin, por kur ka ndonjë aheng në familje, të gjithë të mblidhemi dhe bëhemi një familje kaq e madhe së bashku”./tesheshi.com/
